రవితేజ, శ్రీయ జంటగా ఆర్‌.ఆర్‌. మూవీమేకర్స్‌ సంస్థ గోపీచంద్‌ మలినేని దర్శకత్వంలో నిర్మిస్తున్న 'డాన్‌శీను' చిత్ర నిర్మాణం శరవేగంగా జరుగుతోంది. ఈ చిత్రాన్ని వెంకట్‌ నిర్మిస్తున్నారు. కె.అచ్చిరెడ్డి సమర్పకులు. ఈ చిత్రం కోసం ఇటీవలే 45 రోజులు స్విట్జర్లాండ్‌, స్పెయిన్‌, దుబాయ్‌, బార్సిలోనా, ఐలాండ్‌లో మూడు పాటలను, సన్నివేశాలను చిత్రీకరించారు. 'మా సంస్థలో 'కిక్‌' తర్వాత రవితేజతో ఈ చిత్రం చేయడం ఆనందంగా ఉంది. మంచి వాణిజ్యవిలువలతో తీస్తున్న ఈ చిత్రం అందరినీ ఆకట్టుకుంటుంది' అని నిర్మాత వెంకట్‌ తెలిపారు.
చిత్ర సమర్పకులు కె.అచ్చిరెడ్డి మాట్లాడుతూ 'ఆదివారం నుండి రాజమండ్రిలో పదిరోజుల షెడ్యూల్‌ జరుగుతుంది. స్విట్జర్లాండ్‌లో 45 రోజుల భారీ షెడ్యూల్‌ చేశాం. దర్శకుడు గోపీచంద్‌ సినిమాను అద్భుతంగా తీస్తున్నారు. ఆర్‌.ఆర్‌.మూవీ మేకర్స్‌లో 'డాన్‌శీను' మరో పెద్దహిట్‌ చిత్రం అవుతుంది' అన్నారు.
'రాజమండ్రి షెడ్యూల్‌ పూర్తయిన తర్వాత యూనిట్‌ హైదరాబాద్‌ చేరుకుని ఇక్కడ సినిమా పూర్తయ్యేంతవరకు షూటింగ్‌ చేస్తాం' అని కో ప్రొడ్యూసర్‌ వి.సురేష్‌రెడ్డి తెలిపారు.
రవితేజ, శ్రీహరి, శ్రీయ, షాయాజిషిండే, బ్రహ్మానందం, అలీ, సునీల్‌, రఘుబాబు, కృష్ణభగవాన్‌, నాజర్‌, దువ్వాసిమోహన్‌, బ్రహ్మాజీ, ఢిల్లీ రాజేశ్వరి తదితరులు నటిస్తున్న
ఈ చిత్రానికి స్క్రీన్‌ప్లే, మాటలు:
కోన వెంకట్‌, ఛాయాగ్రహణం: సమీర్‌రెడ్డి, సంగీతం: మణిశర్మ, సమర్పణ: కె.అచ్చిరెడ్డి,కో ప్రొడ్యూసర్‌: వి.సురేష్‌రెడ్డి, నిర్మాత:
వెంకట్‌, కథ, స్క్రీన్‌ప్లే,
దర్శకత్వం: గోపీచంద్‌
మలినేని.
No comments:
Post a Comment